ماي 26, 2011

ياناس شن صاير في المجلس الوطني؟ كيف يكون شلقم ممثل للمجلس الوطني ويذهب في مهمة رسمية الي تونس؟ حتي بعد موقفة في الامم المتحدة، مش كان احد أعضاء اللجان الثورية وزاحف علي بيت أهل محمد الرضا؟ وكان سفير ليبيا وقت اغتيالات المعارضة في ايطاليا اوائل الثمانينات. انشاء الله مش بكرة يحطوا موسي كوسا مسؤول علي الطبخ والمحاشي في المجلس الوطني؟ والله شكلها الحاج موسي، موسي الحاج. يعني خلاص مافيش في ليبيا الا اللي كانو مع معمر عشان انحطوهم في المجلس الوطني؟ مش هما اللي خلو معمر في الحكم 41 عام؟ أين شباب ليبيا اللي كانو في سجون القذافي؟ أين المعارضين اللي ضحو عمرهم كلة ضد الفاسد والفاسدين الذين معة؟ ممكن تعطيهم كل الضمانات للانشقاق علي القذافي لكن مناصب لا. اليس هم من كانو في قمة جبل الفساد الاخلاقي والاقتصادي في ليبيا القذافي؟ أذا لماذا قامت الثورة وهم من سيقودون الدفة؟ خلو معمر وخلاص
مسعود بويصير