الاخبار مصورة

  • abstract
  • الثوار اللي “انقرضوا “في حركتهم العادية، طلعوا للقذافي بنفس دبشهم اللي كان عليهم، فيهم الأنيق اللي دبشه مش دبش عركه وفيهم المشفشف اللي تقول طالع من عجانه،وفيهم اللي سوريته معكرشه وبلا بطم، وشعره يعيط على حلاق قاله معنديش لك وقت فقعد مصبي من قلة الحلاق مش من الخوف.
    وفيهم اللي قتلوه رسل القذافي وشفتوه في الصور لابس جينز ماركة وحذاء ايطالي بتاع بوزا مش بتاع معركة،وفيهم اللي من اناقتهم وريحتهم الطيبة لما ماتوا وغسلهم الغسال يحسابها ريحة المسك اللي حاولت كتب الخيال الديني تخليها مادية مش معنوية، وفيهم اللي لما كروه الكتائب من سوريته انشرطت على طول وجت في يديهم تقول ملخه من جلده،نين فجعتهم، وفيهم اللي طلعوه في فيديو بكانتيرا وكان يبكي ومتحشم في بكيته علشان الكانتيريا مفريه من قبل الحرب مش علشان الحرب، ومتحشم فيها مش في شدتهم له!
    بعد برمةولفته، قعد الثاير ثايربالدبش، ولازم يكون لابس صاعقه، هذك البدلة اللي خاطري نعرف قصة تصميمها بها الشكل وكيف كثرت في ليبيا زي العجاج، لكن انشالله بعدما يسلحوها الليبين ويلبسوا دبشهم العادي اللي يمشوا بيه للشغل(الشغل الليبي ساعتين وتوقيع) ومايسلحوش فيه مرات باليومين.ومرات بعد عركة طويلة في الحوش، واس مانبيش نحكيلكم على بعض أنواع المهلهل الليبي.
    دبش الصاعقه هذا قعدت نكرهه،هو مادارلي شيء لكن كرهته هكي،حتى والموضه توا في أوروبا دايرين منه كل شيء، داخلي وخارجي وصبابيط اصبع وشناني، قصدي برطلات، وحتى علم كان صدقني ربي حقيته بعيوني اللي يبي ياكلهن الدود والتراب وانتظار الدستور!ومع درجة حرارة كلمالها تهبط، نحس في روحي مش دافيه و مازلت نكره دبش الصاعقة…واعيييييييه واخييييييييه، لـــــــــــــــــــــــــــكن اللي عنده شخيشير صاعقه معش يبيه، باللهي يدزه ليا ويعتبر روحه شارك في الثورة !

محمد يوسف

محمد المقريف

مليبياليبيا وزير-الداخلية

عوض البرعصي ليبيا

عوض البرعصي ليبيا

محمود جبريل

najwa

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s