الفنان التاغر ميني

كتيبة أسود الصحراء – مصراته تكشر أنيابها على الدكتور أبو بكر غلاب.

27 فبراير 2012

أبو بكر غلاب : أخصائي قلب وباطنة متخرج من ألمانيا و ليه مكانته في المجتمع و يعرفوه كل ناس آقار و م

شهور في طرابلس و نعتبروه فخر لأهل الجنوب كلهم لأنه دكتور ممتاز و محترم…..

في عصر الأمس وفي منطقة غرغور .. تم الإعتداء بالضرب… على الدكتور . وكذلك ابنه البالغ من العمر 14 سنة وآخر عمره 12 سنة .

رسالة من مواطنة ليبيه حرة الى كل الاحرار

========================

اللي صار ان الدكتور كان مروح من مزرعته و معاه ولده الصغير معتز اللي عمره 14 سنة و ولد تاني قريبهم عمره 12 سنة .. لما كان قريب من حوشه في منطقة غرغور في طرابلس طلع عليهم واحد بالسيارة و قعد يسطرب عليهم يعني ايشلش بالسياره و مشوا السيارتين في نفس الطريق .. السيارة كانت تابعة لكتيبة أسود الصحراء – مصراته اللي مقرها هو منزل هانيبال القذافي في غرغور .. و منزل الدكتور مقابل لمنزل هانيبال .. و للعلم الدكتور ما ليشي أي علاقة بالقذافي و نظامه و كان يدعم في الثورة بفلوسه و بحر ماله من غير ما حد يعرف .. و رزقه من عرق جبينه .. المهم بعدما نزل الدكتور من السيارة كلم الشاب اللي كان يسطرب في الطريق و قال له بالحرف : وقت الحرب حرب و وقت السلم سلم و توا لازم تحترم القانون و كلنا متساويين في الطريق و في الحقوق و اللي يمشي عليا يمشي عليك … فنزل هذا الشاب و قال للدكتور : كيف تقول كلمة زي هذه ؟؟ و هو متوقع ان الدكتور لأنه يسكن مقابل بيت هانيبال معناها كان من اتباع معمر .. و بعدها قالله أصلا توا أفتحلي بيتك بنخش عليه و بنشوفه .. قاله الدكتور البيت فيه مرتي و بناتي مش حنفتحه .. فنادى الشباب اللي معاه من الكتيبة و قال نبوا نقتحموا البيت .. قاللهم الدكتور على جثتي تقتحموه .. فقال للشباب اللي معاه قيموه و قاموه هو و ولده و الولد اللي معاهم .. و منطقة غرغور معروفه انها منطقة هااادئة و مش حيوية و شوارعها فاضيات .. فاستغلوا الوضع و دخلوهم لبيت هانيبال اللي هو مقر الكتيبة و بعدها حطوا كل واحد منهم في دار .. و كانوا يضربوا في الدكتور في دار و يستجوبوا في ولده اللي عمره 14 سنه في دار ثانيه .. كان الشخص هذا يسأل في الولد يقوله انت بوك شن يخدم قال له دكتور .. قال له كداب و ضرب الرصاص جنبه و فوق راسه .. بعدها قال له انت كم عمرك قال له 14 و هو ولد خالتي طول و عرض .. قال له كداب و قعد يضرب في الرصاص جنبه مره ثانيه .. و بمرة مرة كان يطلع يضرب في الدكتور ضرب مبرح و يرجع يسجوب الولد و يقوله لقينا عند بوك أوراق تثبت أنه في اللجان الثورية مع معمر و انتوا تسكنوا جنب حوش ولده .. اعترف أحسن .. و الولد يقول انا بوي ما ليشي علاقه بمعمر بكل .. و الشخص هذا كان يطلع مره مره و يضرب الدكتور و مرة قامله حديده بيضربه بيها على وجهه فتلقاها الدكتور بيده .. و انفتحت يده و نزف الدكتور .. طلع الشخص المجرم هذا و خش للولد و قال له شفت الدم هذا .. هذا دم بوك توا قتلناه .. الولد قريب جاته حالة نفسية .. و بعد ضرب مبرح فيه هو و الولد قريبه الثاني طلقوهم .. و قالوا للدكتور طلقنا الاولاد لكن انت مش حتطلع حي من بين ايدينا حي و زي ما قتلنا اتنين في الدار هذه آمس توا بنلحقوك ليهم .. بعدها الاولاد روحوا للبيت و سألوهم اخاوته و امه من اللي دار فيكم هكي .. ولد خالتي قعد يوتوت و الولد اللي معاه عمره 12 سنه كان يبكي و مش قادر يتكلم .. قاللهم ولد خالتي : كتيبة مصراته .. و طلعوا بنات خالتي للشارع و قعدوا يبكوا و يعيطوا و يطقوا على باب الكتيبة لين جوا الجيران و خشوا شباب الشارع و الجيران و فكوا الدكتور من بين ايديهم .. توا الدكتور يطالب بأن يحاسبوا اللي دار فيه هو و الاولاد الشي الفظيع هذا .. لأن مش ساهلة راجل بشيبته و هيبته يهينوه بالطريقه هذه .. و هو و جميع سكان منطقة غرغور يطالبوا بانسحاب الكتيبة من طرابلس ..

بقلم/// فدوي المغربي

2 comments

  1. بسم الله الرحمن الرحيم الاااااااااااا الرحمن الرحيم
    انا فلسطيني وافتخر بانني عربي الاصل والفصل انتمي بحبي لليبيا كأي مواطن ليبي ، مسلم وايضا اعتز باسلامي ، لي صديق عزيز تغلب علينا الزمان والقدر على ان نفترق ، حاولت كل المستحيل
    على الاتصال بهذا الصديق الحميم الدكتر ابو بكر غلاب ولاكن للاسف ، حصل ما حصل في ليبيا واصبحت الامور غير داعي للتعليق ، الاخوة في بيت واحد يتشاجرون وفي النهاية التصالوح ،
    اما ما اطلعت علية في هذه القصة المؤلمة التي حصلت مع الدكتور المحبوب ابو بكر غلاب اثرت في نفسي الجسع لثوار ليبيا إن كان الجميع هكذا ، ولا اتمنى ان يكون الكل هكذا الثور اخلاق وادب
    نحن الفلسطينيين نكن كل الاحترام والتقدير للشعب الليبي متمنيين له العزة والكرامة ،خاصة الدكتور ابوبكر راجل كريم متمسك بوطنية وحبة لليبيا والعرب والمسلمين انسان متواضع كل التواضع الانساني
    وحبة للاخرين ، نعم درس في اللمانيا وجاهد كل الجهاد لأجل ليبيا ، راجل مخلص للعمل الانساني وكيف ان كان لليبيين ، اتوقع لو الاشحاص الذين اعتدوا عليه بالضرب كأنهم اعتدوا على كل الشعب الفلسطيني ، لان الاخ والصديق والحبيب ابو بكر غلاب واحد منا قدم لفلسطين الكثر ما نقدم نحن ، وما قدمه للشعب الليبي ايضا الكثير نحن بأسم الشعب الفلسطيني وباسم الله نطلب فوراً من الذين يعتبرون
    بانهم ثوار ليبيا وخاصة الذين اعتدوا عليه بالاهانه الاعتذار من الدكتور ابو بكر غلاب ، متمنين السرعة بذلك ، لان قدرة الله اكبر ممن يتصورون ، لو اصاب احد المعتدين مرض ما اين سيذهب ؟؟؟
    ولاكن الله رقيب على كل شئ ،
    لا ننسى الأية الكريمة كما قال الله :- محمد رسول الله ،والذين معه أشداء على الكافرين رحماء بينهم تراهم ركعا سجدا يبغون فضلا من الله ورضوانا سيماهم في وجوههم من اثر السجود …الخ الاية الاسراع بالمعذرة يا أخوة الثوار .
    الثورة الفلسطينية في الاردن تمادة بالظلم على الاردنيين آن ذاك ولاكن الله لم يغفل عن الظلم أتاهم من غير لم يحتسبوا رجائي كل الرجاء الذهاب الى الاخ الدكتور ابو بكر غلاب والاعتذار ، محبتي لكم يا اهل ليبيا الكرام والسلام على من اتبع الهدى
    اخيكم الفلسطيني حبيب من المانيا habib_103@hotmail.de
    الرجاء اخبار ابو بكر غلاب انني مشتاق جداً للاتصال معه فالرجاء كل من يقراء هذا النص ان يبعث لي بالرد كيف اريد الاتصال بهذا الانسان اللطيف وشكرا لكم اخوتي والسلام عليكم ورحمة الله وبركاتة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s